ملاقات میں ایرانی وزیر خارجہ عباس عراقچی، نائب وزیراعظم و وزیر خارجہ اسحاق ڈار، وزیر دفاع خواجہ محمد آصف اور معاون خصوصی طارق فاطمی بھی شریک تھے۔
دونوں رہنماؤں کے درمیان ملاقات ایسے وقت میں ہوئی ہے جب پاکستان امریکا اور ایران کے درمیان کشیدگی کم کرنے اور مذاکرات کی بحالی کے لیے سفارتی کوششیں جاری رکھے ہوئے ہے۔
متعلقہ پوسٹس
وزیراعظم شہباز شریف نے بھی اقوام متحدہ میں گفتگو کے دوران پاکستان کے ثالثی کردار اور کشیدگی میں کمی کے لیے کوششیں جاری رکھنے کے عزم کا اظہار کیا ہے۔
اس سے قبل نائب وزیراعظم و وزیر خارجہ اسحاق ڈار نے ایرانی وزیر خارجہ عباس عراقچی سے ملاقات کی، جس میں دوطرفہ تعلقات اور علاقائی صورتحال پر تبادلہ خیال کیا گیا۔
ملاقات میں دونوں رہنماؤں نے علاقائی و عالمی پیش رفت پر بھی اپنے خیالات کا اظہار کیا، جبکہ اسحاق ڈار نے علاقائی امن و استحکام کے فروغ کے لیے مذاکرات، سفارت کاری اور مسلسل روابط کی اہمیت پر زور دیا۔
دونوں فریقین نے قریبی روابط برقرار رکھنے پر اتفاق کیا۔